附近有乜好嘢

交通

修咸頓及附近居民可利用Southampton Airport 前往超過 25 個英國及歐洲目的地。另外，從修咸頓前往倫敦嘅主要機場 Heathrow 同埋 Gatwick 亦非常方便。 而乘坐火車由修咸頓前往倫敦則只需要 1 小時 25 分鐘，服務嘅班次亦很頻密。

 

商業

修咸頓最近被確認為自由港。2021年 60個英國城市進行嘅“創新指數”調查中排名第 11。修咸頓嘅高排名係因為呢度有好多高水平嘅創業公司。 修咸頓主要嘅商業行業包括零售、酒店、保健、海運業務，同埋其他專業金融服務。

 

人口

修咸頓嘅人口大概係 250,000人。 呢個城市更為擁有超過 125萬人口同埋 42000家企業嘅Solent地區提供不少專業服務及支援。

 

歷史

修咸頓因其英超足球隊（Southampton FC, The Saints）而在國際上廣為人知。修咸頓亦係五月花號（The Mayflower）前往新世界嘅“朝聖者”嘅中轉站。但修咸頓最受注目嘅歷史係成為鐵達尼號唯一一次橫渡大西洋嘅航程中嘅出發港口。

修咸頓嘅歷史最早可以追溯到羅馬時代。 位於市中心嘅中世紀城牆係英國保存最完好嘅城牆之一。 而修咸頓最著名嘅人物係基督徒讚美詩作家艾薩克·瓦茨 (Isaac watts)，佢一生創作咗大約750首聖詩。

呢個城市吸引咗好多其他國家嘅人嚟定居，其華人社區嘅歷史可追溯到 200 年前。

 

選舉

地方選舉過程有時令人困惑且難以理解。了解選舉過程非常重要，我們整理咗一份指南，提供2023 年地方選舉所需嘅所有信息。

修咸頓選舉教育講座筆記 (PDF文件)

在英國合資格投票嘅港人，更可積極參與 2024 年嘅英國大選 (國會選舉)，發揮港人社群嘅最大影響力。

如何在英國登記做選民? (PDF文件)

 

購物及娛樂

修咸頓主要大型購物中心位於 Westquay 及其周邊地區，Shirley High Street 同埋 Portswood Road 亦有不少餐廳、超級市場、新鮮肉檔以及菜檔。 Southampton Common 同埋位於市中心嘅5個大型公園係另一個值得去嘅娛閒設施。 而Mayflower Theatre 更係南海岸最大嘅音樂劇院。 一年一度嘅Southampton Boat Show 更加係全英國同類展覽會中最大規模。

 

一日遊地點推介

由修咸頓出發嘅一日遊目的地包括：New Forest、懷特島、倫敦、巴斯、索爾茲伯里、牛津、般尼茅夫、朴茨茅夫同埋溫徹斯特。以上所有目的地，由修咸頓揸車或者搭船去只需要兩小時以內。

 

教會

修咸頓有各種各樣不同教派嘅教會，當中有好多間更加係HK Welcome Churches。

 

支援香港人嘅其他組織

英國港僑協會 (Hongkongers in Britain)

英國港僑協會（HKB）於2022至2024年成功獲得英國政府資助，支持其開展以支援移英港人為目標嘅項目：Mission PERM，服務內容包括：

• 鼓勵參與當地社區生活
• 促進就業
• 建立社區關係
• 保護心理健康/福祉

如欲了解更多信息，請瀏覽 hongkongers.org.uk

 

Barnardo’s

Barnardo’s 熱線為居於英國嘅香港人提供建議、支援同埋輔導，此服務嘅對象為香港英國國民(海外)簽證持有人及從屬申請人，包括成年人及小童，提供嘅建議包括房屋、就業、尋求保健服務等。

而Barnardo’s 嘅治療師團隊，亦會為香港人提供情緒支援服務，熱線人員更可以英語或廣東話溝通。

網址: https://www.barnardos.org.uk/

 

Protection Approaches

On Your Side 係一個覆蓋全英嘅全新支援同埋舉報服務，主要對象係任何被認定經歷過種族主義或任何形式仇恨嘅東亞和東南亞人，包括香港人。服務內容包括24小時免費熱線、網上舉報表格及仇恨罪行資訊、及透過個案工作倡導者(Case Worker)提供嘅支援服務。

網址：https://www.onyoursideuk.org/zh/