健康

以下網頁可協助你分辨到底應該打”111″定係”999″:

Should I Ring 111 or 999?

如果你真係唔肯定應該打比111定999，請將111作為第一選擇。 接線生會詢問有關你正在遇到嘅問題並為你提供協助。佢地亦可以幫你預約GP，或喺你嘅情況變為更嚴重時提供緊急協助。如果你嘅英語會話能力未如理想，你亦可以經111 Online 網頁揾到建議同埋協助。

想睇醫生?

英國 National Health Service (NHS) 係一個歷史悠久並令英國人引以為榮嘅醫療組織。NHS於1948年7月5日成立，至今70多年，旨在為所有人免費提供醫療保健服務，現在擁有超過 170 萬名員工，成為英國最大嘅僱主。 NHS通過稅收提供免費服務，並提供醫療培訓和持續研發先進醫療。

雖然緊急或臨時護理服務係免費嘅，但如果你係以 BN(O) Visa在英居留，你需要先支付 Immigration Health Surcharge (通常在申請Visa 時會一併支付此費用)，先至可以使用 NHS 嘅服務。另外，到埗後你最好先搵最近你居住地點嘅 GP（全科醫生) 診所註冊及預約見醫生。註冊時，你需要出示身份證明同埋地址證明。

除咗 NHS 之外，你都可以選擇私家醫療或購買醫療保險。雖然英國擁有世界上最好嘅免費醫療保健系統，但英國嘅私家醫療機構都非常優秀。

牙醫

大多數英國城鎮都有 NHS 牙醫，但名額有限，你可能需要支付治療同埋檢查費用。如果你想睇牙科急症，或者唔駛預約嘅診所 (例如：私家牙醫診所)，又或係辦公時間以外需要牙科醫療服務，請注意，你可能需要輪候好幾個小時。

Urgent Treatment Centre

Urgent Treatment Centre(UTC)為 NHS 非急症病人提供簡單治療，無需預約，詳情請參閱UTC 嘅網頁。